आ.व.२०८०/०८१ मा सम्पादित स्वास्थ्य कार्यक्रमको जिल्ला स्तरीय वार्षिक समिक्षा तथा योजना तर्जुमा गोष्ठी स्वास्थ्य कार्यालय पर्वत
मिति २०८१/०५/२४ र २५ गते
स्वास्थ्य कार्यालय पर्वतको आयोजनामा आ.व.२०८०/०८१ मा सम्पादित स्वास्थ्य कार्यक्रमको जिल्ला स्तरीय वार्षिक समिक्षा तथा योजना तर्जुमा गोष्ठी स्वास्थ्य कार्यालय पर्वतका कार्यालय प्रमुख प्रविण शर्माको अध्यक्षतामा , स्वास्थ्य मन्त्रालय, गण्डकी प्रदेशका स्वास्थ्य मन्त्री मा.कृष्णप्रसाद पाठक ज्युको प्रमुख आथित्यता तथा जिल्ला समन्वय समितिका प्रमुख विष्णुराम वि.कको विषेश आथित्यतामा सम्पन्न भएको छ । कार्यक्रममा गण्डकी प्रदेश स्वास्थ्य निर्देशनालय , प्रदेश स्वास्थ्य आपुर्ति व्यवस्थ्पन केन्द्र , प्रदेश जनस्वाथ्य प्रयोगशाला, स्वास्थ्य तालीम केन्द्र का महानिर्देशक ज्युहरु, स्वास्थ्य मन्त्रालय - गण्डकी प्रदेश चिकित्सा महाशाखा प्रमुख साथै प्रदेशका तथ्याङ्क प्रमुखहरु , पर्वत अस्पताल ब्यबस्थापन समितिका अध्यक्ष , मेडिकल सुरिटेन्डेन्ट, जिल्लाका सातै स्थानिय तहका स्वास्थ्य शाखा संयोजक तथा सहसंयोजकहरु , जिल्लाका विभिन्न् सञ्चारमध्यमका संचारकर्मीहरु , जिल्ला आयु्वेद स्वास्थ्य केन्द्रका प्रमुख , जिल्लाका विभिन्न स्वास्थ्य क्षेत्रका विकास साझेदार संघसंस्था हरुका प्रमुख तथा प्रतिनिधीहरु , स्वास्थ्य कार्यालयका स-परिवार हरुको उपस्थिती रहेको उक्त कार्यक्रमको संचालन स्वास्थ्य कार्यालयका प.नि.सु.नि नारायण प्रसाद रेग्मीले गर्नुभएको थियो । कार्यक्रममा आ व ८०/८१ मा सम्पादित कार्यक्रमहरु को जिल्ला स्तरिय प्रगती प्रस्तुतिकरण , राष्ट्रिय स्वस्थ्य कार्यक्रम जस्तै खाेप तथा बाल स्वाथ्य , पोषण , सुरक्षित मातृत्व , रोग नियन्त्रण तथा ब्यवस्थापन जस्ता विषयमा थिमेटिक सामुहिक छलफल , पोस्टर प्रस्तुतिकरण , स्वास्थ्य क्षेत्रका विकास साझेदार संघसंस्था हरुका प्रगति प्रस्तुतिकारण जस्ता कृयाकलाप गरिएको थियो । जसमा आ.व. २०८०/८१ मा सम्पादित स्वास्थ्य कार्यक्रम र विभिन्न् सूचकहरु का आधारमा प्रथम: बीहादी गाउँपालिका , द्धितीय: पैयूँ गाउँपालिका तृतीय: मोदि गाउँपालिका भएको थियो भने उत्कृष्ठ स्वाथ्य सँस्थामा प्रथम: पैंयू गा पा - त्रिवेणी स्वा चौ, द्धितीय: बीहदी गा पा - बीहदि रानीपानी स्वास्थ्य चौकी ,तृतीय: बिहादी गाउँपालिका बर्रचौर स्वास्थ्य चौकी भएको थियाे । पोस्टर प्रस्तुतिमा भने प्रथम: मोदी गाउँपालिका , द्धितीय: पैयूँ गाउँपालिका , तृतीय: जलजला गाउँपालिका भएको थियो । उत्कृस्ट स्थान हासिल गर्न सफल सम्पूर्ण पालिका , स्वास्थ्य संस्थाहरुलाई हार्दिक बधाई! सदैव समुदायको स्वास्थ्य सेवामा समर्पित रहनुहुनेछ भन्ने अपेक्षा सहित उत्तरोत्तर प्रगतिको कामना गर्दछौ ।
135