पर्वत जिल्ला पूर्ण खोप सुनिश्चितता तथा दिगोपना घोषणा कार्यक्रम
पर्वत जिल्ला पूर्ण खोप सुनिश्चितता तथा दिगोपना घोषणा कार्यक्रम
मिति २०८३-०३-१६ गते जिल्ला पुर्ण खोप समन्वय समिति पर्वतको आयोजनामा पर्वत जिल्लालाई पूर्ण खोप सुनिश्चितता तथा दिगोपना घोषणा कार्यक्रम जिल्ला पुर्ण खोप समन्वय समिति पर्वतका संयोजक श्री बिष्णुराम बि.क ज्यूको अध्यक्षतामा संचालन गरियो । उक्त कार्यक्रममा जिल्ला खोप समन्वय समितिका पदाधिकारीहरु, प्रमुख जिल्ला अधिकारी, गण्डकी प्रदेश सरकार, स्वास्थ्य मन्त्रालय अतिरिक्त प्रदेश सचिव खिम बहादुर खड्का ज्यू , ७ वटै स्थानीय तहका स्वास्थ्य शाखा तथा स्वास्थ्य संस्थाका स्वास्थ्यकर्मीहरू, , पत्रकारहरु, जिल्ला स्थित विभिन्न कार्यालयका कार्यालय प्रमुख तथा प्रतिनिधि,सदरमुकाम कुश्मा बजारमा रहेका विधालयका प्रधानाध्यापक तथा प्रतिनिधि, सरोकारवाला व्यक्ति तथा निकायको उपस्थतिमा कार्यक्रमको संचालन भएको थियो ।उक्त कार्यक्रम प्रदेश जनस्वास्थ्य कार्यालय पर्वतका खोप कार्यक्रम संयोजक श्री नारायण प्रसाद रेग्मीको गर्नु भएको थियो । हालसम्म प्राप्त प्रगतिहरूको समीक्षा गर्दै आगामी दिनहरूमा पनि कोही बच्चा नछुट्ने गरी खोप कार्यक्रम सञ्चालन गर्न सबै सरोकारवालाहरुले प्रतिबद्धता जनाउनु भएको छ। यस अवसरमा २०८३ साल असार १६ गतेका दिनसम्म जन्मे देखि १५ महिना सम्मका जम्मा १४३९ जना बालबालिकाहरुले राष्ट्रिय खोप तालिका अनुसार खोप सेवा लिई राखेको र १६ महिना देखि २३ महिना सम्मका ८९२ जना बालबालिकाहरुले राष्ट्रिय खोप तालिका अनुसार पुर्ण खोप लगाएको तथा घर धुरी सर्वेक्षणको क्रममा भेटिएका छुट १४ जना बालबालिकाहरुलाई पनि खोप सेवा प्रदान गरि पूर्णखोप पाएको सुनिश्चित गर्दै पर्वत जिल्लालाई पूर्ण खोप सुनिश्चितताको दिगोपना भएको घोषणा गरिएको थियो। यस कार्यक्रमलाई सभ्य र भव्य बनाउन तथा पूर्णखोपको प्रक्रियामा महत्वपूर्ण योगदान पुर्याउनु हुने यस जिल्लामा कार्यरत सम्पूर्ण स्वास्थ्यकर्मीहरू, महिला सामुदायिक स्वास्थ्य स्वयंसेविकाहरु तथा सम्पूर्ण शुभ चिन्तकहरुमा आभार व्यक्त गर्दछौं।
Download: पर्वत जिल्ला पूर्ण खोप सुनिश्चितता तथा दिगोपना घोषणा कार्यक्रम
31