घरमा सुत्केरी हुने दर उच्च भएका स्वास्थ्य संस्थामा जनप्रतिनिधि, गर्भवती महिला तथा अन्य सरोकारवलाहरु सगँ सचेतना तथा पैरवि वैठक कार्यक्रम
मिति २०८१/१२/१७
प्रदेश जनस्वास्थ्य कार्यालय कुश्मा पर्वतको आयोजनामा र मोदि गाउँपालिकाको समन्वयमा घरमा सुत्केरी हुने दर उच्च भएका स्वास्थ्य संस्थामा जनप्रतिनिधि, गर्भवती महिला तथा अन्य सरोकारवलाहरु सगँ सचेतना तथा पैरवि वैठक कार्यक्रम भुकताङ्लेमा सम्पन्न भएको छ ।स्वास्थ्यकर्मीको अनुपस्थितिमा घरमा सुत्केरी हुँदा आमा, बच्च्चा वा दुबैको स्वास्थ्यमा जटिलता आउने सम्भावना उच्च हुन्छ । तसर्थ घरमा सुत्केरी हुने दर न्यूनीकरण गरी संस्थागत सुत्केरीलाई अभिवृद्धि गर्न तथा मातृ तथा शिशु स्वास्थ्यलाई सुदृढ पार्न स्थानीय तहबाट समेत यसको पैरवी हुन अपरिहार्य छ। घरमा सुत्केरी हुने दर उच्च रहेका क्षेत्रमा जनप्रतिनिधि, गर्भवती महिला तथा अन्य सरोकारवालाहरुसँग सहकार्य गर्दै स्वास्थ्य संस्थामा सुरक्षित सुत्केरीको महत्वबारे सचेत गराउन यस कार्यक्रम संचालन गरिएको छ ।
यस कार्यक्रमको सहजीकरण ठुलिपोखरी प्राथमिक स्वास्थ्य केन्द्रका मेडिकल अधिकृत डा कृष्ण सुबेदी र प्रदेश जनस्वास्थ्य कार्यालयका जनस्वाथ्य अधिकृत अन्जली पि.सी ज्यूले गर्नुभएको थियो । मोदि गाउँपालिका वडा नं १ का वडा अध्यक्ष श्री चित्र वहादुर गुरुङ ज्यूको अध्यक्षतामा संचालन भएको उक्त कार्यक्रमको संचालन भुकताङ्ले स्वास्थ्य चौकी प्रमुख कृष्ण अर्याल ज्यूले गर्नुभएको थियो जसमा स्वागत मन्तव्य मोदि गाउँपालिका स्वास्थ्य शाखामा कार्यरत जनस्वास्थ्य निरिक्षक बिक्रम भुवाजिले राख्नु भएको थियो। कार्यक्रममा जनप्रतिनिधि,गर्भवती महिला र स्वास्थ्यकर्मीहरु सहित ४० जनाको उपस्थिति रहेको थियो जसमा समापन मन्तव्य मोदि गाउँपालिका स्वास्थ्य शाखा प्रमुख जनस्वास्थ्य निरिक्षक उमेश कुमार अधिकारी ज्यूले राख्नु भएको थियो।
कार्यक्रम सम्पन्न पश्चात् स्वास्थ्य संस्था व्यवस्थापन समितीका सदस्य सहित अन्य सरोकारवला निकाएहरुको उपस्थितिमा सुधार विषयमा छलफल गरी कार्ययोजना बनाइएको थियो ।मोदि गाउँपालिकाले घरमा हुने सुत्केरी दरलाई कम गर्न पालिका भरी निशुल्क एम्वुलेन्स सेवा संचालन गर्दे आएको छ ।
125