घरमा सुत्केरी हुने दर उच्च भएका स्वास्थ्य संस्थामा जनप्रतिनिधि, गर्भवती महिला तथा अन्य सरोकारवलाहरु सगँ सचेतना तथा पैरवि वैठक कार्यक्रम
मिति २०८१/१२/२२
प्रदेश जनस्वास्थ्य कार्यालय कुश्मा पर्वतको आयोजनामा र जलजला गाउँपालिकाको समन्वयमा घरमा सुत्केरी हुने दर उच्च भएका स्वास्थ्य संस्थामा जनप्रतिनिधि, गर्भवती महिला तथा अन्य सरोकारवलाहरु सगँ सचेतना तथा पैरवि वैठक कार्यक्रम धाइरिङ स्वास्थ्य चौकिमा स्वास्थ्य चौकी व्यपस्थापन समितीमा अध्यक्ष दुङ्गनाथ शर्माको अध्यक्षतामा सम्पन्न भएको छ ।
कार्यक्रमको सहजीकरण मोदी गाउँपालिका मेडीकल अफिसर डा.दीपक रेग्मी , प्रदेश जनस्वास्थ्य कार्यालयका जनस्वाथ्य अधिकृत अन्जली पि.सी , जलजला गा पाका स्वास्थ्य शाखा प्रमुख गणेश मल्ल , प्रदेश जनस्वास्थ्य कार्यालयका तथ्यांक सहायक रामचन्द्र सुवेदीले गर्नु भएकाे थियाे भने कार्यक्रमको सम्पूर्ण ब्यबस्थापन प्रदेश जनस्वास्थ्य कार्यालयका प.हे.न.नि सुमन शर्माले गर्नु भएको थियो जसमा स्वागत मन्तव्य जलजला गाउँपालिका प.हे.न पूर्णिमा भारतीले राख्नु भएको थियो। कार्यक्रममा जनप्रतिनिधि,गर्भवती महिला र स्वास्थ्यकर्मीहरु सहित ४० जनाको उपस्थिति रहेको थियो जसको संचालन स्वास्थ्य चौकी प्रमुख गणेश बहादुर भण्डारीले गर्नु भएको थियो । स्वास्थ्कर्मीहरुको अनुपस्थितिमा घरमा सुत्केरी हुँदा आमा, बच्च्चा वा दुबैको स्वास्थ्यमा जटिलता आउने सम्भावना उच्च हुन्छ । तसर्थ घरमा सुत्केरी हुने दर न्यूनीकरण गरी संस्थागत सुत्केरीलाई अभिवृद्धि गर्न तथा मातृ तथा शिशु स्वास्थ्यलाई सुदृढ पार्न स्थानीय तहबाट समेत यसको पैरवी हुन अपरिहार्य छ। घरमा सुत्केरी हुने दर उच्च रहेका क्षेत्रमा जनप्रतिनिधि, गर्भवती महिला तथा अन्य सरोकारवालाहरुसँग सहकार्य गर्दै स्वास्थ्य संस्थामा सुरक्षित सुत्केरीको महत्वबारे सचेत गराउन यस कार्यक्रम संचालन गरिएको छ ।कार्यक्रम सम्पन्न पश्चात् स्वास्थ्य संस्था व्यवस्थापन समितीका सदस्य सहित अन्य सरोकारवला निकाएहरुको उपस्थितिमा सुधार विषयमा छलफल गरी कार्ययोजना बनाइएको थियो । जलजला गाउँपालिकाले घरमा हुने सुत्केरी दरलाई कम गर्न पालिका भरी निशुल्क एम्वुलेन्स सेवा संचालन गर्दे आएको छ ।
116