मानसिक स्वास्थ्य सचेतना तथा प्रवर्द्धन कार्यक्रम
मिति २०८३ साल असार १०, ११, १२ र १८ गते
प्रदेश जनस्वास्थ्य कार्यालय, पर्वतको आयोजनामा तथा कुश्मा नगरपालिका र फलेवास नगरपालिकाका स्वास्थ्य शाखा एवं सम्बन्धित स्वास्थ्य संस्थाहरूको समन्वय तथा सहयोगमा मानसिक स्वास्थ्य सचेतना तथा प्रवर्द्धन कार्यक्रम वडा तथा विद्यालयस्तरमा सफलतापूर्वक सम्पन्न भएको छ।
कार्यक्रम अन्तर्गत असार १० गते कुश्मा नगरपालिका वडा नं. १ (पाङ), असार १२ गते फलेवास नगरपालिका वडा नं. २ (थापाठाना) मा समुदायस्तरीय कार्यक्रम तथा असार ११ गते श्री नारायण माध्यमिक विद्यालय, असार १२ गते थापाठाना माध्यमिक विद्यालय र असार १८ गते श्री नमुना आवासीय माध्यमिक विद्यालयमा विद्यार्थीहरु लक्षित सचेतनामूलक कार्यक्रम संचालन गरिएको थियो।
समुदायस्तरीय कार्यक्रमको अध्यक्षता प्रदेश जनस्वास्थ्य कार्यालय, पर्वतका कार्यालय प्रमुख श्री बद्रीराज आचार्यले गर्नुभएको थियो भने सम्बन्धित वडा अध्यक्षहरू प्रमुख अतिथिका रूपमा उपस्थित हुनुहुन्थ्यो। कार्यक्रमको सहजीकरण पर्वत अस्पतालका मे.अ. डा. सलिना पौडेल, जिल्ला प्रहरी कार्यालय,पर्वतका प्रहरी निरीक्षक दिनेश पौडेल, प्रदेश जनस्वास्थ्य कार्यालय पर्वतका प.हे.न.नि. सुमन शर्मा तथा जनस्वास्थ्य अधिकृत सन्देश पोखरेलले गर्नुभएको थियो।
कार्यक्रममा मानसिक स्वास्थ्यको महत्व, तनाव व्यवस्थापन, आत्महत्याका जोखिम संकेतहरूको पहिचान, मनोसामाजिक सहयोग तथा आत्महत्या रोकथामका उपायहरूबारे जानकारी प्रदान गरिएको थियो। कार्यक्रममा वडा जनप्रतिनिधि, स्वास्थ्यकर्मी, शिक्षक, विद्यार्थी, महिला स्वास्थ्य स्वयंसेविका तथा अन्य स्थानीय सरोकारवालाहरूको उल्लेखनीय सहभागिता रहेको थियो।
Download: मानसिक स्वास्थ्य सचेतना तथा प्रवर्द्धन कार्यक्रम
32