विश्व क्षयरोग दिवस-२०८२(२४ मार्च, २०२६ ) काे अवसरमा महिला सामुदायिक स्वास्थ्य स्वयंसेविका स्तरीय हाजिरी जवाफ कार्यक्रम
प्रदेश जनस्वास्थ्य कार्यालयपर्वतको आर्थिक वर्ष २०८२/०८३ काे वार्षिक स्वीकृत कार्यक्रम अनुसार पर्वत जन स्वास्थ्य कार्यालय पर्वत र फलेवास नगरपालिकाको संयुक्त आयोजनामा विश्व क्षयरोग दिवस-२०८२(२४ मार्च, २०२६ ) काे अवसरमा मिति २०८२/१२/१० का दिन फलेबास नगरपालिकामा महिला सामुदायिक स्वास्थ्य स्वयंसेविका स्तरीय हाजिरी जवाफ कार्यक्रम सफलतापुर्वक सम्पन्न भयो । प्र.ज.स्वा.का. पर्वतका कार्यालय प्रमुख श्री बद्रिराज आचार्य को अध्यक्षतामा सम्पन्न उक्त कार्यक्रमका प्रमुख अतिथिको आथित्यता फलेवास न.पा.का प्रमुख गंगाधर तिवारीले गर्नु भएकोे थियो भने कार्यक्रममा विशिष्ट अतिथि काे आथित्यता फलेबास नगरपालिकाका उपप्रमुख शोभा कुमारी क्षेत्री ले गर्नु भएको थियो। प्रदेश जनस्वास्थ्य कार्यालय पर्वतका प.नि.सु.नी. श्री नारायण प्रसाद रेग्मीले सञ्चालन गर्नु भएको कार्यक्रममा स्वागत मन्तव्य फलेबास नगरपालिकाका स्वास्थ्य शाखा प्रमुख श्री रुद्र शर्मा सापकोटाले दिनु भए पश्चात कार्यक्रमको प्राविधिक सत्र सुरु भएको थियो । प्राविधिक सत्र यस कार्यालयका जनस्वास्थ्य अधिकृत श्री सन्देश पोख्रेल ले सन्चालन गर्नु भएको थियो । सिधा उत्तर राउण्ड, Choice राउण्ड र भिजुअल राउण्ड गरी ३ राउण्ड मा प्रश्नोतर गरिएको सो कार्यक्रममा फ.न.पा का ११ वटै वडा बाट प्रत्येक वडा बाट ३ जना गरी कुल ३३ जना म.सा.स्वा.स्वयंसेविका को सहभागिता रहेको थियो ।
प्रतियोगितामा वडा नं.२ थापाठाना ले प्रथम, वडा नं.१ कार्किनेटा ले द्वितीय एवं वडा नं.९ भगराले तृतीय स्थान हासिल गरेका छन् । यस कार्यक्रम सफल बनाउन महत्वपूर्ण भूमिका निभाउनु हुने फलेवास न.पा., स्वास्थ्यकर्मी एवं सकृय सहभागीता जनाउनु हुने म.सा.स्वा.स्वयंसेविका ज्यु हरु मा प्रदेश जनस्वास्थ्य कार्यालय पर्वत हार्दिक आभार व्यक्त गर्दछौँ । 
2