विश्व कुष्ठरोग दिवसको अवसरमा अन्तरकृया कार्यक्रम
प्रदेश जनस्वास्थ्य कार्यालय पर्वतको आर्थिक वर्ष 2082/083 काे बार्षिक स्वीकृत कार्यक्रम अनुसार मिति 2082/10/12 गतेका दिन प्रदेश जनस्वास्थ्य कार्यालय पर्वतको तालिम हलमा 73औं विश्व कुष्ठरोग दिवसको अवसरमा पत्रकार/सञ्चारकर्मीहरुको सहभागीतामा अन्तरकृया कार्यक्रम सञ्चालन गरियो । उक्त कार्यक्रमको अध्यक्षता प्रदेश जनस्वास्थ्य कार्यालयका कार्यालय प्रमुख श्री बद्रीराज आचार्यले गर्नु भएको थियो, कार्यक्रमकाे आतिथ्यता जिल्ला समन्वय समिति पर्वतका प्रमुख श्री विश्नुराम बि. क ज्यू ले गर्नु भएको थियो । कुष्ठरोगको छ ओखती, सामाजिक लाञ्छना र विभेद मुख्य चुनौती भन्ने मूल नाराका साथ सञ्चालन गरिएको कार्यक्रमको सञ्चालन प्रदेश जनस्वास्थ्य कार्यालयका परिवार नियोजन सुपर भाईजर निरीक्षक श्री नारायण प्रसाद रेग्मीले गर्नु भएको थियो, भने कर्यक्रममा सहजीकरण प्रदेश अस्पतालका कन्सल्ट्यान्ट मेडिकल अफिसर डा मिलन अवालेले गर्नु भएको थियो । कार्यक्रममा नेपाल पत्रकार महासंघ जिल्ला शाखा पर्वतका अध्यक्ष लक्ष्मण सापकोटा, नेपाल अपाङ्ग उत्थान समाज पर्वतका अध्यक्ष जगन्नाथ पाैडेल, प्रदेश अस्पतालका नि मेसू डा. बालकृष्ण श्रेष्ठ र जिल्ला समन्वय समिति पर्वतका प्रमुख श्री विष्णुराम बि. क र प्रदेश जनस्वास्थ्य कार्यालय पर्वतका प्रमुख श्री बद्री राज आचार्य ज्यूले कुष्ठरोगले गर्दा हुने भेदभाव, विभेद र लाञ्छना हटाउन सबैले आफ्नो ठाउँबाट भूमिका निभाउनु पर्ने बताउनु भएको थियो । उक्त कार्यक्रममा जिल्लामा क्रियाशिल पत्रकार, सरोकार वाला, स्वास्थ्यकर्मी गरी 40 जनाको सहभागीता रहेको थियो।
Download: विश्व कुष्ठरोग दिवसको अवसरमा अन्तरकृया कार्यक्रम
22