अन्तर्राष्ट्रीय महिनावारी स्वच्छता दिवस
मिति २०८२/०२/१४(28 May,2025)
प्रदेश जनस्वास्थ्य कार्यालय कुश्मा पर्बतकाे आयोजना तथा महाशिला गाउँपालिकाकाे समन्वयमा मिति २०८२/०२/१४ गतेका दिन महाशिला गाउँपालिका वार्ड नं ३स्थित श्री बालारानी मा.वि. बालाकोट पर्बतमा अन्तर्राष्ट्रीय महिनावारी स्वच्छता दिवसको अवसरमा "महिनावारी स्वच्छता र पुरुष सहभागिता" शीर्षकमा बक्तृत्त्वकला प्रतियोगिता सम्पन्न भएको छ। महाशिला गाँउपालिकामा रहेका ८वटा माध्यमिक विद्यालयका १ जना किशोरी र १ जना किशोर का दरले १६ जना प्रतियोगी विद्यार्थीको सहभागिता रहेकाे थियाे। उक्त कार्यक्रम प्रदेश जनस्वास्थ्य कार्यालय कुश्मा पर्बतका कार्यालय प्रमुख श्री बद्रीराज आचार्य ज्यूकाे अध्यक्षतामा सञ्चालन भएको थियो। उक्त कार्यक्रमको प्रमुख अतिथि महाशिला गाउँपालिकाका अध्यक्ष श्री इश्वरी प्रसाद भुसाल रहनु भएको थियो। साथै कार्यक्रममा महाशिला गाउँपालिका उपाध्यक्ष्य श्री धनसुभा वि. क., प्रमुख प्रशासकिय अधिकृत श्री देवेन्द्रराज पाण्डेयले आतिथ्यता ग्रहण गर्नु भएको थियो। प्रतियोगितामा प्रतियोगी विद्यार्थी हरुले आफ्नो उत्कृष्ठ प्रस्तुति प्रस्तुत गर्नु भएको थियो। उक्त वक्तृत्व कला प्रतियोगितामा छात्रा तर्फ श्री बालारानी मा.वि.की छात्रा श्री लीला गुरुङ्गले प्रथम स्थान हासिल गर्नु भएको थियो भने छात्र तर्फ श्री स्वधर्म मा.वि. पाखापानीका छात्र श्री दिपेश कार्की क्षेत्रीले प्रथम स्थान हासिल गर्नु भएको थियो। बालारानी मा.वि.काे प्राङ्गणमा सञ्चालन भएको कार्यक्रमको सञ्चालन महाशिला गाउँपालिकाका सिअहेव अधिकृत श्री कृष्ण बहादुर रानाले गर्नु भएको थियो भने कार्यक्रमको सहजिकरण प्रदेश जनस्वास्थ्य कार्यालयका परिवार नियोजन सुपर भाईजर निरीक्षक श्री नारायण प्रसाद रेग्मीले गर्नु भएको थियो। उक्त कार्यक्रममा निर्णायक मण्डलको नेतृत्व स्वास्थ्य शाखा प्रमुख श्री नर बहादुर बरालले गर्नु भएको थियो।
Download: अन्तर्राष्ट्रीय महिनावारी स्वच्छता दिवस
89