विश्व क्षयरोग दिवस
चैत्र १० / पर्वत/
विश्व क्षयरोग दिवसको अवसरमा पर्वतमा अन्तरक्रिया कार्यक्रम सम्पन्न भएको छ । मार्च २४ तारिकमा विश्वभर मनाइदै आईएको क्षयरोग दिवस यस वर्ष ‘हो हामी क्षयरोग अन्त्य गर्छौं’ भन्ने मुल नाराका साथ पर्वतमा पनि अन्तरक्रिया कार्यक्रम गरि सम्पन्न भएको हो ।
पर्वतमा क्रियाशिल पत्रकारहरु र स्वस्थ्यकर्मी विच भएको अन्तरक्रिया कार्यक्रममा जिल्ला अस्पताल पर्वतका डा.दिपक रेग्मीले क्षयरोगको वारेमा जानकारी गराउदै नेपालमा क्षयरोगको वर्तमान अवस्थाको वारेमा सहजिकरण गर्नुभएको थियो ।
क्षयरोग माइकोव्याक्टेरियम ट्युवरक्युलोसिस नामक आखाले देख्न नसकिने किटाणुबाट लाग्ने सरुवा रोग भएकोले समुदायमा सहजै फैलल सक्ने सम्भावना वढी रहेका कारण सवै सजक रहनु पर्ने जानकारी दिनुभयो ।
क्षयरोग लागेको विरामीले खोक्दा हाच्छयु गर्दा खकारवाट क्षयरोगका किटाणुहरु हावामा निस्कने र स्वासप्रस्वासको माध्यमवाट फोक्सोमा गएर असर गर्ने भएकाले लक्षण देखिएका व्यक्तिहरुलाई स्वस्थ्य संस्थामा लगेर नियमित उपचारको व्यवस्था गराउनु पर्ने उहाले जानकारी दिनुभयो ।
१ जना क्षयरोग लागेको विरामीले उपचार नगरेमा वर्षमा १० दखी १५ जना मानिसमा क्षयरोग सर्न सक्ने स्वास्थ्य कार्यालय पर्वतका क्षय कुष्ट रोग कार्यक्रम फोकल पर्सन नारायण प्रसाद रेग्मीले जानकारी दिनुभयो ।
क्षयरोगका विरामीले नियमित रुपमा ६ महिना सम्म नियमित औषधी सेवन गनूपर्ने र नियमित उपचार गरेमा क्षयरोग पूणरुपमा निकोहुने स्वास्थ्य कार्यालय पर्वतले जनाएको छ । क्षयरोगका विरामीहरुलाई नेपाल सरकार वाट निशुल्क औषधी वितरण भैरहेको छ ।
गण्डकी प्रदेशमा अघिल्लो वर्ष २४४७ जना नया विरामी फेला परेका थिए भने यस आर्थिक वर्ष श्रावण देखी हाल सम्म १२५६ जना क्षयरोगका विरामी भेटिएका छन् । पर्वतको तथ्यांक हेर्दा अघिल्लो आवमा ६७ जना क्षयरोगका विरामी भेटिएकोमा गत श्रावण देखी हालसम्म ४५ जना क्षयरोगका विरामी फेला परेका छन् जस मध्य १३ जना महिला र ३२ जना पूरुष रहेका छन् ।
नेपालमा वर्षेनी ६९ हजार नयाँ क्षयरोगका बिरामी भेटिने गरेका छन् भने हरेक वर्ष १७ हजार व्यक्तिको क्षयरोगका कारण निधन हुने गरेको राष्ट्रिय क्षयरोग नियन्त्रण केन्द्रको तथ्यांक रहेकोछ ।
स्वास्थ्य कार्यालय पर्वतले आज आयोजना गरेको कार्यक्रममा उपस्थित पत्रकारहरुले क्षयरोगका वारेमा जिज्ञासा तथा सुझाव राखेका थिए । स्वस्थ्य कार्यालय पर्वतमा नि कार्यालय प्रमुख जयन्द्रमान गूरुङको अध्यक्षतामा सम्पन्न कार्यक्रमको स्वागत तथा संचालन कार्यालयका क्षय कुष्टरोग कार्यक्रम फोकल पर्सन नारायण प्रसाद रेग्मीले गर्नुभएको थियो ।
Download: विश्व क्षयरोग दिवस
143